Mackenson Cangé anonse gran piblik la yon bann aktivite ki pral fèt nan tout peyi a ak nan dyaspora a. Gen M. Luis Abinader ki konprann Pèp Ayisyen an se timoun ki mare nan pye tab lakay li menm jan ak kèk oligak kòwonpi makonnen ak Politisyen rat do kale k ap monte desann devan pòt li detanzantan. Se pou yo ka kontinye destabilize Ayiti. N ap di Mesye Abinader avèk fèmte Ayiti granmoun l souvren.
ADECTRAH ap fè tout moun konnen, ensekirite tout kote 24/24 la k ap vale teren an Ayiti pou kouye a, Sendomeng se youn nan peyi ki nan konfyolo sa a.
Daprè enfòmasyon yo genyen, Sendomeng se youn nan peyi ki finanse zam ak minisyon bay tout baz gang nan peyi a espesyalman Mesyedam 400 Mawozo yo. Sendomeng se youn nan peyi ki lakòz ensekirite nan zafè manje an Ayiti nan lage vye prodwi chimik sou tout sa nou plante tankou: sitwon, pitimi, zoranj, kokoye elatriye.
Kidonk se pou Pèp Ayisyen an souke kò l, leve kanpe pou n goumen kont asasen sa a yo paske se premye konplis nan tout zak ensekirite ak kidnapin k ap depatcha peyi a.
Nan menm leve kanpe sa a, Alliance Democratique contre la transition en haiti pibliye bay tout nasyon an yon kalandriye aktivite k ap kòmanse depi 7 novanm 2021 pou bout lè enkilpe Ariel Henry rive demisyone e mete a dispozisyon lajistis ak tout rès asasen yo.
Mackenson Cangé ki se pòt pawòl ADECTRAH anonse mouvman ki gen pou fèt pandan mwa novanm nan
1) 7 novanm 2021, gwo mouvman devan lokal Nasyonzini, nan Nouyòk, pran midi pou rive 5 è aprèmidi. Mouvman sa a se dyaspora Ayisyen an k ap fè l ki gen nan tèt li:
Moun Afè Bon TV, Busta John, ADECTRAH, Debloke Ayiti, K-Dans, MJH elatriye.
Pou denonse enjerans Koregwoup, mande jistis pou Prezidan Jovenel Moïse ak jistis pou Pèp Ayisyen an.
2) 18 novanm 2021, randevou kase nan vil Okap, Vètye pou yo al depoze jèb flè nan pye tout zansèt yo kite sakrifye yo nan batay pou te jwenn lendepandans yo.
3) Dimanch 5 desanm, ADECTRAH ap òganize yon Tribinal popilè senbolik pou yo jije enkilpe Ariel Henry
4) 24 desanm jiska 2 janvye 2022 batay la pral kontinye pi rèd toujou.
@louisactualite
Comentários