Asosyasyon Paran Elèv Ayiti (ASPAEDH) mande Minis Edikasyon Nasyonal la pran responsablite l pou ane akademik 2020-2021 an ki mal kòmanse akoz pwoblèm gaz la epi pwoblèm ensekirite a.
Fedner Confident ki se pòtpvwa ASPAEDH nan yon konferans pou laprès jounen lendi 22 novanm 2021 yo plenyen anpil de sa.
L di anpil jou lekòl deja gaspiye akòz grèv ak sitiyasyon lari a ki anpil fwa anpeche lekòl la fonksyone.
Premye peryòd la pase san elèv yo pa rive wè prwogram ki te prevwa a.
Fòk responsab yo pran dispozisyon pou konble jou sa a yo pou elèv yo.
Yo konstate, yon lòt kote, elèv Lise yo deja kòmanse pran lari swa pou egzije pwofesè nan sal klas yo, ou byen pi bon kondisyon aprantisaj.
ASPAEDH panse ane a fèk kòmanse pou tout difikilte sa yo deja prezante.
Responsab yo dwe anpeche sitiyasyon sa dejenere, kote elèv sa a yo rantre nan lagè ak sila ki nan kolèj yo nan kapital la pou fòse yo kite sal klas yo.
Plizye elèv kolèj sòti blese semèn pase a nan afwontman sa a yo. ASPAEDH mande otorite yo pran tout mezi pou fasilite gaz la distribiye nan ponp yo nan tout Peyia pou pèmèt lekòl yo fonksyone kòm sa dwa, pandan l mande pou remanbre konpayi transpò eskolè a Diyite, pou ede elèv yo nan kesyon transpò a nan lari a.
Lè yo konsidere tout problèm sektè edikatif la ap rankontre, pami yo pwofesè lekol ki pa ka touche byen, pa gen materyèl pou elèv yo aprann ak sanite nan lekòl yo. San konte pwogram fè kado liv ak inifòm nan ki pat orandevou ane sa a selon ankèt ASPAEDH mennen promès Minis Edikasyon Nasyonal la Marie Lucie Joseph te fè moun nan gran Sid Peyi a konnen Ministè l ap dirije a ap sipòte yo aprè tè tranble14 dawout la. Jiska prezan menm yon kreyon moun yo po ko jwenn. Alòske yo konnen gen yon fon pou edikasyon Leta a kolekte pou pèmèt li ranfòse sistèm nan.
ASPAEDH anonse y ap fè demach pou konnen ki sa k ap pase ak Fon Leta kòmanse kolekte depi jiyè 2011 pou rive jounen jodi a.
@louisactualite ( LA)
Comments