VANDREDI 12 JIYE 2019 NAN YON KONFERANS POU LAPRES FANM DJANM KAP LITE AVEK KOLEKTIF FANM REVOLTE DI YON GWO KOUT AYIBOBO POU TOUT PATI POLITIK, MILITAN ANGAGE, OGANIZASYON SOSYO POLITIK YO.
yo mande tout oganizasyon sosyo politik yo, pati politik yo, sekte demokratik popile, gwoup petwo chalenje yo, esklav revolte, avek tout lot yo pa site , nan yon gwo kokenn chenn mach pasifik epi senbolik dimanche kap 14 jiye 2019 pou yap pote tout revandikasyon yo sou beton an.
Medam yo a 52% fanm nan peyia epi jenes yo a 62% jen nan sosyete ayisyen an pou yo vin montre sa 52% yo genyen an vo, sa 62% yo genyen an vo sou beton an dimanche kap 14 jiye 2019
pou yap mande avek Jovenel Moise avek tout akwolit li yo kote dlo a, soley la, te ya avek lajan poch li te pwomet pep la.
Pandan jodi ya se: mizer, grangou, chomaj, koripsyon, ensekirite sosyal, vyolans, masak tribor pa bor, se yo ki priyorite w jodia ya.
Pou yo konkli konferans nan yo di avek tout fanm nan peyia, pou yo pa bliye koze lamanjay andan kay se koze fanm.
le timoun yo grangou se kod trip manman yo kap rache . ki donk medam kay la pa gen manje epi timoun yo ap trepase avek lafen an al chache chimen lavi pou yo dimanche 14 jiye 2019.
yap tann tout fanm nan kafou ayopo 10 hr nan matin yap moute sou wout delmas yap antre delmas 40b pou yap tonbe sou boudon jiskaske yo rive sou plas konstitisyon an.
yo pwal di se fanm ki bay lavi, se yo ki poude fann zantray yo .
Nan atik 22 konstitisyon an yo dwe jwenn manje sifizamman pou yo manje Jovenel kot manje ou tap mete nan bol yo a.
Comentários