KSV : Pou Ayisyen met tèt ansanm pou sove peyi a
Konfederasyon Vodou Siprèm (KSV), nan yon konferans pou laprès yo te bay jedi 14 oktòb 2021 an leve vwa yo byen wo. Konsa, yo ankouraje tout Ayisyen pitit tè a pou yo bay enterè peyi yo priyorite. Se pi bèl fason pou yo jwenn yon solisyon nan gwo kriz k ap trakase bil spsyete n nan depi kèk tan.
Konfederasyon Siprèm Vodou ( KSV ), nan lokazyon konferans sa a kontinye defann tèt kole nan mitan Ayisyen yo pou fè peyi a soti nan sitiyasyon malouk ak tèt chaje sa a. Nan menm sikonstans la, chèf kominikasyon estrikti sa a, François Edson, te mande pou tout aktè dosye sa a konsène rive jwenn yon akò pou rive mete yon bout nan gwo kriz politik sa a ki ravaje peyi a.
Anplis de sa, François Edson ankouraje Ayisyen yo rantre nan dyalòg serye pou fè pwomosyon pou tout bon jan valè kiltirèl epi respekte lòd yo jwenn rasin yo. Epi yo panse, ansanm, pou Ayiti yo nan demen. Bò kote pa l, lidè kilt Vodou a Cédral Noelus pat kache di jan l move kou kong.
Li plenyen anpil poutèt kèk lidè k ap kreye yon reyabilitasyon ak Vodou a. Lidè a kwè ke li pi byen plase pou selebre anpil aktivite tankou lantèman, maryaj selon atik la nan. KSV mande Ayisyen yo pou yo mete tèt ansanm pou sove peyi a
KSV mande aktè ayisyen yo pou yo mete tèt yo ansanm pou sove peyi a.
Anvan yo te met yon bout nan konferans a, Konfederasyon Siprèm Vodou ( KSV ) kontinye mande tout Ayisyen frè n ak sè n yo pou yo tout fè gwo tèt kole, pou enterè peyi a.
@louisactualite (LA)
Comments