Nòt pou laprès SESNFP Syndicat des Employés du Système National de Formation Professionnelle ***

Nòt pou laprès SESNFP Syndicat des Employés du Système National de Formation Professionnelle *** Siège: 64, Duval 22, Carrefour Marassa, Croix-des-Bouquets Email: sesnfp@yahoo.com --- Téléphones: 3406 3792 / 4004 0154 Pòtoprens le 25 Mas 2020 Sendika tout anplwaye sistèm nasyonal fòmasyon profesyonèl la (SESNFP) ap koubel byen ba nan moman difisil sa kote viris kovid-19 la rantre nan peyi a, poul mande tout moun kontinye pran tout prekosyon ke otorite yo mande nou tankou pa soti san bezwen, lave men nou souvan, pa mete men nou nan je nou, nan bouch nou ak nan zorèy nou. Pou nou menm anplwaye sistèm nasyonal fòmasyon profesyonèl la ki anviwon 1200 nan tout sistèm nan, nap mande nou pandan nap pran prekosyon pou evite pran viris kovid-19 la, pou nou pwofite veye viris kap gangrennen Enstiti nasyonal fòmasyon pwofesyonèl la (INFP). Yon viris ki soti poul kraze sistèm nan. Kote Maguy Durcé, ki panse sistèm nan se byen prive li kap klewonnen toupatou ke li pran pwomosyon, li kapab fè sa li vle nan tèt sistèm nan. Li pa rive fè distengo ant yon sekretè dEta ak direktè yon enstitisyon dekonsantre, kote lap kontinye pran de gwo desizyon ki angaje bwat la ak nouvo direktè ki gen pou vini an tankou : 1- Maguy kontinye ap siyen transfè ak promosyon anndan INFP. Li retire ansyen administratè a li ranplasel pa yon lòt poul kapab efase tras tout deriv ke li fè yo, tout vye kontra ilegal li yo, tout fo rekizisyon kote li fè yon pakèt fo acha ki pa janm livre anndan INFP, pandan setan ansyen administratè a kontinye fè sal vle nan systèm nan. 2- Maguy di li chanje administratè a pandan setan lap pase anba al pran kabiran ke pesonn paka retrase. 3- Li chanje chèf pèsonèl la poul ka chanje dosye bann nominasyon ilegal li te fè yo. Sendika te deja pale de 500 moun li te mete yo, epi poul kontinye fè vye nominasyon tet chat. 4- Maguy kontinye ap fè presyon nan kontabilite pou monte fo dosye misyon pou li, kote li antidate tout misyon pandan se tan pèsonn moun pat fè yon pa. 5- Maguyapfèyonserideproformapoulfòsekontabilitedekeselajanmalgrelipagen pouvwa poul siyen dosye INFP. 6- Maguy chanje antèt INFP poul ajoute sekretereri dEta ladan yo poutan NFP pa yon sekretereri dEta men pito yon direksyon dekonsantre. 7- Maguy ap bay kontab presyon pou vire fon INFP sou bidjè Sekretereri dEta e se Ministè a ki responsab poul bay Sekretè dEta a tout sal bezwen. Malgre li koumanse resevwa yo, li mande pou vire fon INFP a sou bidjè pa li kanmenm. Devan sitiyasyon mafreze sila a, Sendika SESNFP kwè fòk absè a pete. Paske pou deriv moun sa yo fè nan sistèm nan, Okenn pansman pa ka trete java sila. alewè pou yo ta kite Maguy kap kleronnen yo bal promosyon kom sekretè dEta ta vin gen biwol anndan INFP. Sendika SESNFP ap rele « anmweyyyyyy ! bare volè ! » Li lanse yon apèl bay tout anplwaye sistèm nan pou pote kole, bay tout moun ki konsene yo , espesyalman prezidan an ki vle bay Pep la tirès la menm si maguy pa kite rès. Li pa posib pou yo bay Maguy kat blanch poul dechèpiye bwat la nan eta sa. Kominezon sila se yon zak asasinay kap fèt sou sistèm lan ak tout pitit li yo. Prezidan, ki mal sistèm l’an fè lap peye ? Se pouw mete prese prese yon nouvo direktè nan tèt INFP poun wè kijan na ranmase eskanp figi nou pou fòmasyon profesyonèl la ka pran yon lòt direksyon. Mèsi. Moun ki siyen pou sendika yo se: Jean Marie Léveillé, prezidan Darline Joseph, Responsab Relasyon Piblik