NÒT POU TOUT MOUN KI NAN DEPATMAN SANT AK LÒT DEPATMAN
Abel Descollines fè nòt sa a nan lide pou li adresse l avèk tout moun kap viv oubyen tout moun ki abitye fè antre sòti nan depatman sant peyia.
Abel Descollines ki se yon opozan avèk rejim ki sou pouvwa a vle voye yon messaj bay tout moun , tout lidè , tout militan ki angaje yo nan batay pou denonse move gouvènay peyia epi tou pou reklame respè konstitusyon peyia ki di manda konstitisyonel prezidan ki sou pouvwa a ap fini nan dat 7 fevriye 2021.
Messaj Abel Descollines nan se pou di avèk nou tout , avèk nou chak ki nan mobilizasyon nan depatman sant la ,
Li Solidè avèk nou tout , avèk nou chak , avèk kelke lanswa òganizasyon an depi mobilizasyon kap fèt la rive fèt san vyolans, san kraze , san manyin afè moun.
Abel Descollines konnen anpil nan nou kap fè mobilizasyon nan depatman sant .
Nou se sitwayen, lidè , militan ki onèt, ki kwè nan moun , ki kwè nan devlopman mibalè, ki reve gwo devlopman pou depatman an.
Nan sans sa a Abel Descollines kwè nan kad mobilizasyon yo nou tout tankou nou chak dwe fè plis efò jan nou abitye fè sa pou nou pwoteje machann yo. Madan sara yo. Machine ansanm ak Pwopriyetè machine transpò yo ansanm ak machine privé yo.
Abel Descollines konnen anpil nan nou se sosyo pwofesyonel. Nou pap travay nan leta. Se pwòp aktivite pèsonèl nou ki pèmèt nou viv.
Nan sans sa a Abel Descollines kwè nou tout konnen batay nap men nen an . Se pa kont popilasyon an nap goumen. Se pa kont Chofè ni machine moun kap fè efò yo nap goumen .
Mobilizasyon nap fè yo . Nou fè yo nan interè moun sa yo tou paske menm jan avèk nou anpil ladann yo ap soufri akòz move gouvènay peyia. Akoz vyolasyon dwa moun . Akoz pwoblèm sosyal ak ekonomik peyia.
Abel Descollines ba nou messaj sila a yon fason pou nou kapab fè anpil vijilans nan kad mobilizasyon pasifik nap fè yo.
Li ba nou messaj sa a yon fason pou youn ka veye sou lòt . Pou youn ka pwoteje lòt.
Abel Descollines kwè nou dwe vijilan anpil yon fason pou nou kouri dèyè tout mèsenè rejim an plas la
Konn abitye itilize lè gen mobilizasyon popilè
Nan voye yo kraze oubyen boule machine moun yon fason pou yo mete chay la sou do manifestan oubyen sèten Lidè nan depatman an.
Nan sans sa a nou kapab konstate. Nou kòmanse wè pouvwa an plas la deja lanse yon laboratwa pwopagann sou Facebook ak sou tout lòt rezo sosyo men tou nan kèk medya kap sipòte je fèmen rejim nan .
Nou ka konstate laboratwa pwopagann ak divèsyon sa a ki gen kòm chef Stanley Lucas ki chita depi 20 an nan Washington e kap touché plis passé 10 mil dola ameriken chak mwa sou do pèp ayisyen an
Objectif laboratwa pwopagann ak divèsyon sa a se fabrike tout kalite fo akizasyon kont yon seri Lidè, militan ak sitwayen nan depatman sant pou tèt yo di non yo pa dakò jan peyia ap mal maché
Paske Lidè, militan ak sitwayen sa yo di manda konstitisyonel prezidan Jovenel ap fini nan dat 7 fevriye 2021 kap vini la a .
Inspiratè ak chef laboratwa pwopagann ak divèsyon sa yo deja chache bandi yap fè sòti nan lòt depatman pou fè yo vinn kraze brize nan depatman sant. Pou fè bandi sa yo vinn boule machine moun nan mibalè ak lòt kote nan depatman an
Yon fason pou chache kraze tout mobilizasyon popilè kap fèt nan depatman sant.
Yon fason tou pou yo jwenn pretèx pou fè arestasyon politik kont anpil lidè ak militan ki angaje nan mouvman mobilizasyon popilè yo.
E depi kounye a , anpil nan nou ki sou Facebook ak sou lòt rezo sosyo epi tou ki konn tande kèk radyo kap sipòte je fèmen pouvwa ki la a,
Nou ka wè yo itilize sèten nèg ak fanm kap travay nan sektè edikasyon an nan depatman sant pou fè travay piblikasyon sou tout rezo sosyo ki eksiste
Tout bagay ki sòti nan laboratwa pwopagann ak divèsyon an kont tout Lidè ak militan epi sitwayen onèt kap goumen pou lòt kondisyon lavi.
Nou ka wè tou laboratwa pwopagann ak divèsyon an itilize sèten nèg ak fanm kap travay nan biwo leta yo nan depatman sant pou fè maché tout manti inspiratè ak chef laboratwa a mete deyò kont tout opozan ak pouvwa a.
Nou ka konstate tou jan yo toujou fè sa deja. Laboratwa a itilize mèsenè politik tout plim tout plimay pou simaye tout sa yo prepare kont opozan yo.
Fas ak tout manèv sa yo Abel Descollines ki jiska prezan fè chwa pou fè politik.
Nou menm tou Lidè, militan konsekan, sitwayen ki ap goumen pou yon lòt ayiti
Nap pran kouraj pou nou kontinye Batay nan respè lalwa.
Menm lè pouvwa ki la a ak moun kap sipòte l yo passé tout lwa anba pye.
Abel Descollines aprann e lap pwofite infòme nou inspiratè laboratwa pwopagann ak divèsyon an deja gen plan pou fè manda pou fè arete Abel Descollines epi anpil lòt lidè ak militan nan depatman sant.
Nou pa vòlè nou pap mawon.
Nou pa tuye moun .
Nou pa konn tuye moun .
Nou pap mawon.
Nou pa dezobeyi lalwa.
Nou pap mawon
Nou pa kraze brize
Nou pa konn kraze brize
Nou pap mawon
Nou pa boule, nou pa konn boule
Nou pap mawon
Nou pa nan move zafè
Nou pap mawon
Viv la mobilizasyon pasifik nan depatman sant ak nan tout peyia !
Comments