OPC onore Majistra Wilson Jeudy
Majistra Willson JEUDY, depi l rive nan tèt Meri Dèlma, vin tabli kòm yon lidè.
Se yon vizyonè ki angaje tèt li kò l ak nanm li nan sèvis kominote li a. Jounen jodi a l resevwa distenksyon anpil kote.
Yon lòt fwa, mèkredi 08 desanm 2021 an se nan otèl Montana l te gen randevou.
Se sitou pou montre l kalib aksyon pozitif li yo ak reyalizasyon li yo enpòtan anpil.
Epi tou se pou ankouraje l kontinye fè jèfò pou fè Dèlma tounen yon komin referans.
Pwoteksyon Sitwayen (OPC), te bay Majistra Wilson JEUDY yon plak onè ak merit pou lidèchip li, dinamisyon l ak sipò l te bay OPC pou l te tabli yon biwo medyasyon ak edikasyon legal nan komin Dèlma.
Nan lokazyon gwo seremoni pou te remèt prim pou senkyèm edisyon konpetisyon tèks ak repòtaj sou dwa moun e kòm avangou Jounen Mondyal Dwa Moun. Majistra a, bò kote pa l, di li trè kontan dèske l te resevwa distenksyon sa a.
Konsa, li pwomèt l ap kontinye travay li jiska dènye souf li epi li dedye plak la bay gwo achitèk linivè a, ak tout Delmasyen ak Delmasyèn, kolaboratè l yo, fanmi l ak tout popilasyon Ayisyen an alawonnbadè.
@louisactualite (LA)
Comments