Prezidan sendika sant nasyonal ekipman(CNE),kritike ak tout fòs li endividi san fwa ni li lwa ki pa gen okenn enfòmasyon sou fonksyonman bwat sila,ki ta pran plezi nan denigre dirèktè bwat la, mesye Kineton Louis.
Nan kad yon konferans li bay pou laprès jodi lendi 21 jen 2021 an, Séjour Uldrick yon sendikalis nan CNE, voye jete byen lwen ak tout fòs li, tout fo enfòmasyon yo ta vle lage sou do bwat la yon fason pou destabilize'l, pandan li kritike Jean Baptiste yon jèn gason ki ta pran kòb nan men politisyen kowonpi ki fè tèt li pase pou yon lidè Òganizasyon sou pretèks li ka bay manti sou do bwat la.
Pi lwen Séjour voye yon pinga bay tout moun ki ta enplike nan kraze bwat sa, pandan li fè konnen malgré plis pase 20 lane egzistans bwat sa ,se sou administrasyon nouvo dirèktè a Kineton Louis, yon sitwayen ap rive jwenn chans sòti kò li nan koze kontraktyèl ki pat janm gen yon fini andan bwat sila,li kontinye pou'l di ak Ministè travo piblik pou pote bon jan mwayen ak bwat la pou'l ka kontinye bay pi bon sèvis toujou ak popilasyon an kelkeswa kote yo ta ye sou bout tè papa Desalinn nan.
Comments